Dixit Dominus Domino meo : ſede a dextris meis,
Donec ponam inimicos tuos * ſcabellum pedum tuorum.
Virgam virtutis tuae emittet Dominus ex Sion : dominare in medio inimicorum tuorum.
Tecum principium in die virtutis tuae in ſplendoribus ſanctorum : ex utero, ante luciferum, genui te.
Juravit Dominus, et non poenitebit eum : Tu es ſacerdos in aeternum ſecundum ordinem Melchiſedech.
Dominus a dextris tuis ; confregit in die irae ſuae reges.
Judicabit in nationibus, implebit ruinas ; conquaſſabit capita in terra multorum.
De torrente in via bibet ; propterea exaltabit caput.